Komanditario Berriak ekimena aurrera doa, Andrekale proiektua oinarri hartuta. Orain, proiektu osoa bilduko duen bideo bat grabatzen ari da Señora Polaroiska taldea eta herritarrei laguntza eskatzen die. Gaur zortzi, urriaren 25ean, bideo horretako pasarte bat grabatuko dute Andrekalen eta bertan, 200 emakume bildu nahi dituzte. Bertan eseri, kartetan jolastu, hizketan aritu... horixe da egin beharko dena. Grabazioa 10:00etatik 14:00etara izango da eta arropa erosoa eta beroa eramateko gomendatu dute. Horrez gain, komeni da izena ematea, zenbat jende bilduko den jakin dezaten: andrekale.filmazioa@gmail.com.