Astelehenean aurkeztu zuten Euskadiko Enogastronomia Museo eta Guneen Sarea. Bertan hartzen du parte Astigarragako Sagardoetxea Euskal Sagardoaren Museoak, eta sarearen parte izango dira, baita ere Villa-Lucia Ardoaren Erakustokia (Guardia), Txakolingunea (Bakio), Igartubeiti Baserri Museoa (Ezkio Itsaso), Gaztaren Interpretazio Zentroa (Idiazabal), D’Elikatuz Zentroa (Ordizia) eta Gozogintzaren Museoa (Tolosa).
Gastronomia-turismoa bultzatzeko proposamenak
Sare hau osatzen duten museo eta guneek hainbat esperientzia eskaintzen dizkiete bisitariei; museo edo interpretazio gune bat bisitatzeaz gain, hainbat produktu dastatzeko edota produktu horien elaborazioan parte hartzeko aukera izango dute. Dagoeneko martxan daude esperientzia horietako batzuk. Adibidez, Sagardoaren Bidea eta Idiazabal Gazta; Sagardoaren Bidea; edota Gastronomia Bidea Euskadiren Bihotzean. Hemendik aurrera, oraindik ere esperientzia gehiagorekin gozatzeko aukera izango da, eta kasu batzuetan, garaiarekin lotutakoak izango dira: Sagardoa eta txotxaren erritoa Donostialdean eta Gipuzkoako barrualdean; Arabako Errioxako ardoaren funtsa; Goierri, “Idiazabal Lurraldea”; Tolosa gozoa; eta Bizkaiko txakolina. Informazio gehiago jasotzeko, Sagardoetxera jo daiteke (sagardoarenlurraldea.com/943 55 05 75 / www.sagardoetxea.com), edo www.turismoa.euskadi.eus.
Euskadi Gastronomika marka
Ekimen hau, Eusko Jaurlaritzak martxan jarritako Euskadi Gastronomika markapean sortu da. Honen helburua da, EAEko hiru hiriburuen eta lurraldeen arteko sarea osatzea, enogastronomiarekin lotutako enpresa eta zerbitzuak elkarlanean aritzeko. Bertan, lehen, bigaren eta hirugarren sektoreek hartzen dute parte; bai enpresa txikiek, eta baita haundiek ere.