Gipuzkoako Bazkundearen Merkataritza Taldeak hamar ‘harribitxi’ izendatuko ditu aurten ere. Sari hauen helburua da, Gipuzkoako hamar merkataritza enpresa nabarmenenak omentzea, eta lurralde osoko ‘bitxien’ mapa sortzea.
Pertsona edo osasun ekipaziora dedikatzen diren komertzioak
Edizio hau zuzendua dago pertsona eta osasun ekipazioak saltzen dituzten komertzioei. Txikizkako salmentara dedikatzen dutenek hartu dezakete parte, hau da, produktu hauek saltzen dituztenak: jantziak, oinetakoak eta larru-artikuluak, produktu kosmetiko eta higienikoak, erlojugintza eta bitxigintza artikuluak, mediku eta ortopedia artikuluak, produktu farmazeutikoak eta kiroletako artikuluak.
10 euskualdetan, sariak
Eskualde bakoitzeko denda bat edo ‘harribitxi’ bat aukeratzen dute. Lehiaketan hamar eskualdek hartuko dute parte, eta Hernanik eta Astigarragak Donostialdekoan hartuko dute parte, Andoain, Lasarte-Oria, Urnieta eta Usurbilekin batera.
Botoa emateko epea, zabalik
Eskualdean Hernaniko bi komertzio aurkeztu dira: Ibai Mendi kirol denda eta Valen arropa denda. Botoa eman nahi dutenek 10bitxiak-eus.blogspot.com.es helbidean dute aukera; epea urriaren 29ra arte egongo da zabalik. Botoa ematerakoan hainbat baldintza jarri dituzte: merkatari enpresa bakoitzak boto bakarra eman dezake; identifikazio datuak eskatuko dira eta boto bat baino gehiago ematen duenari, automatikoki guztiak ezabatuko zaizkio; eta botoa norbere eskualdean dagoen establezimendu bati bakarrik eman daiteke.
Aurretik sarituak
Joan den urtean Hernaniko Ikusi Makusi dendak jaso zuen Donostialdeako saria; eta 2013an Astigarragako Mamen janari dendak.