Ederki hasi zuen Trinketeko Mundu Kopa Oier Gurutzealdek.
Eskuz banaka ari da jokatzen, Espainiako selekzioarekin, eta emaitza politak lortu ditu orain arte. Finalerdietan galdu egin zuen, ordea, eta gaur, brontzea lortzeko borrokatuko du, Kubaren kontra.
Bi garaipen, eta porrot juxtu bat
Venezuelako ordezkariak kale egin zuela eta, aldatu egin behar izan zen jokoa. Horrela, aurreneko partidua Uruguayren kontra jokatu zuen Gurutzealdek, eta baita erraz irabazi ere; 15-1 eta 15-4. Txileri ere, 15-0 eta 15-1 irabazi zion, asteartean.
Ostegunean, berriz, finalerdiak jokatu zituen astigartarrak, Mexikoren kontra. Aurkari gogorrenen artean zuen Mexiko, Gurutzealdek, eta hala izan zen. Juxtu-juxtu, baina galdu egin zuen: 8-15, 15-2 eta 10-7.
Hori horrela, gaur Kubaren kontra ariko da, brontzea etxera ekartzeko lehian.