Mendiriz Mendik Argazki Lehiaketa antolatu du Mendizale Astearen barruan eta bihar bukatuko da argazkiak aurkezteko epea. Elkarteko lokalera eraman behar dira (Iturregi plaza), gaur edo bihar, 20:00etatik 21:00etara.
Gehienez, sei argazki
Elkarteko bazkideez gain, Hernanin bizi diren argazkilari ez profesional guztiek hartu dezakete parte. Gehienez, sei argazki aurkezteko aukera dago eta gutxienez, 3 argazki. Argazki horien artean, nahitaezkoa da gutxienez argazki bat Hernanikoa izatea (adierazi egin beharko da Hernanikoa dela). Gainontzean, gaia librea izango da.
Argazkiak aurkezterakoan, partaidearen izen-abizenak, telefonoa eta aurkezten diren argazki kopurua adierazi beharko da. CD edo USB batean eraman behar dira. Kalitate haundiko TIFF edo JPG formatoak eskatu dituzte, gehienez 5 Mbtakoa.
Lau sari
Denera, lau sari banatuko dituzte, 70 eurotakoak eta trofeoak: Hernani eta ingurukoa; mendia eta paisaia; herrikoiena; eta bilduma hoberena.
Gaztetxoen irteera, Belokira
Gaztetxoentzako irteera antolatu du Mendiriz Mendik, igande honetan. Belokira (1.271 m) joango dira. Goizeko 08:30etan abiatuko dira Atsegindegitik. Prezioak: 2 euro gaztetxoek, eta 6 euro helduek. Gaur eta bihar eman daiteke izena, elkartearen lokalean (20:00-21:00).