Erlajazio teknikak lantzeko ikastaroa antolatu du Ongintzak, Gipuzkoako Foru Aldundiarekin eta Matia Fundazioarekin elkarlanean. Menpekotasuna duten pertsonen zaintzaileentzako da eta estresa bideratzen eta lasaitzen ikasiko dute, sei saiotan zehar.
Helburua da, «zaintzaileak ahalduntzea eta beraien bizi kalitatea hobetzea».
Sei saio denera
Bihar izango da lehenengo saioa eta izena eman behar da lehenbailehen. Dohainik da. Hurrengo bost saioak ere ostiraletan izango dira: urriak 23 eta 30, azaroak 20 eta 27, eta abenduak 18. Ordutegia: 15:00-17:00. Saio guztiak Biterin izango dira.
Izena emateko: Ongintzara jo daiteke edo 943 55 78 54.