Aldaketak izan dira Mexikon jokatzen ari den Trinketeko VI. Mundu Kopan, baina horietara ere, ederki egokitu da Oier Gurutzealde astigartarra, eta erraz irabazi du aurreneko partidua. Bigarrena atzo zuen jokatzekoa.
Lauko bi talde
Venezuelako ordezkariak ezin izan du txapelketa jokatu, eta taldeak aldatu dira, ondorioz. Hiru selekziorekin osatutako hiru talde egin zituzten hasieran, baina orain, lauko bi talde ari dira.
Aurrenekoan, Espainia, Frantzia, Uruguay eta Txile ari dira jokoan, eta bigarrenean, Mexiko, Bolivia, Kuba eta AEBak.
Venezuelaren ondoren, Txile
Gurutzealdek astelehenean jokatu zuen aurreneko partidua, Venezuelaren kontra; 15-1 eta 15-4 irabazi zuen. Atzo, berriz, Txileren kontra jokatzekoa zen. Honek galdu egin zuen aurreneko partidua Frantziaren aurka.
Gaur, berriz, deskantsu eguna dute.