Aurreneko puntua lortu zuen Hernanik larunbatean, Emakumezkoen Euskal Ligan, baina ezin esan pozik bukatu zutenik. Emaitzak ez die balio Ligako azken postutik ihes egiteko. Gainera, aurkari zuzena zuten larunbatekoa, Erandioko Betiko Neskak; azkenaurreko postuan dagoena. Eta etxean jokatuta, garrantzitsua zen hiru puntuak bertan geratzea.
Horren trukean, puntu banaketa egin zuten bi taldeek, 2-2 berdinduta.
Ohorezko Erregionalek, irabazi
Garaipena lortu zutenak, eta baita garrantzitsua ere, Ohorezko Erregional Mailako mutilak izan ziren. Aurkari zuzena zuten aurrean haiek ere, Martutene, eta 2-1 irabazi zuten Zubipen, arnas pixka bat hartzeko aukera emango dieten hiru puntu eskuratuz.
10garren postura igo da Hernani, sei punturekin, Martuteneri berari ere pasata, eta atzean utzi ditu, astebetez behintzat, sailkapeneko azkeneko postuak.