Gaur jarriko dira sarrerak salgai, Biterin, Hernani’n Musik egitasmoaren estreinako saiorako. Urriaren 22an emango diote hasiera ikasturte berriari, udarako geldialdiaren ondoren, eta Mikel Urdangarin kantautore bizkaitarrak eskainiko du aurreneko kontzertua.
Sarrerak gaurtik, 7 euroan
Datorren astean izango da hori, ostegunean arratsaldeko 20:00etan, baina sarrerak dagoeneko eskuratu daitezke, gaurtik aurrera. Biterin egongo dira salgai, 7 euroan.
Joan den urtean ere, bertan izan zen Urdangarin, Jainko txiki eta jostalari hura emanaldi berezia eskaintzeko, Kirmen Uribe, Rafa Rueda, Bingen Mendizabal eta Mikel Valverderekin. Bakarrik dator oraingoan, bere gitarrarekin.