36garrenez, argazki lehiaketa antolatu du Mendiriz Mendi elkarteak, Mendizale Astearen barruan. Eta parte hartu nahi duenak, aste honetan bertan entregatu beharko ditu lanak: gehienez 6 argazki, eta gutxienez 3.
Mendiriz Mendiren lokalera (Iturregi plaza) eraman beharko dira, CD edo USB batean, izen-abizenak, telefonoa eta aurkezten diren argazki kopurua zehaztuz: astelehen, ostegun edo ostiralean, 20:00etatik 21:00etara.
Hernaniko argazki bat, gutxienez
Gaia librea izango da, baina gutxienez, Hernaniko argazki bat aurkeztu beharko da, eta zehaztu zein den. Kalitate haundiko TIFF edo JPEG formatuan entregatu behar dira, gehienez 5 MBekoak. Ezingo dira aurkeztu, beste lehiaketa batean saritutako argazkiak.
Lau sari, 70 eurokoak
Lehiaketan, lau sari banatuko dira, 70 euro eta trofeoarekin, arlo bakoitzeko argazki onenari: Hernani eta ingurukoa, mendia eta paisaia, herrikoiena, eta bilduma hoberena.
Herrikoiena, sari banaketan dauden herritarrek aukeratuko dute.