Beterri Garapen Agentzian formakuntza jaso, eta ikasitakoa baliatuz, Kalaka komunikazio taldea sortu zuten Ilazki Gainzak eta Nerea Uriak.
2014ko abenduan hasita, lau hilabetez hartu zuten parte Kooperatzen programan, eta hiru arlotan jaso zuten formakuntza: komunikazio tresnak, ekonomia sozial eta eraldatzailea, eta talde dinamikak.
Bertan hasi ziren bere proiektua lantzen, eta aldi berean, «ekiteko eta lanean aritzeko beste modu bat» aurkeztu zieten: «besteak beste, pertsonak erdigunean jarrita, harreman indibidualetatik atera eta kolektiboan pentsatzera bultzatzen du, eta bat egin dugu balore horiekin».
Bulegoa, Beterrin
Formakuntza jasota, Beterriko coworking espazioan hasi ziren elkartzen, eta ordutik, bertan daukate bulegoa. Ideia martxan jarrita, Kalaka komunikazio parekidea taldea sortu zuten: «komunikazio zerbitzuak eskaintzen ditugu, beti ere genero ikuspegia integratuz».
Komunikazio estrategiak diseinatu, eta aholkularitza eta formakuntza ematen dute.