Portu auzora mugituko da festa, gaurkoan. Ospakizunak alde batera utzi nahi ez, eta urtero bezala, Portu Eguna antolatu dute gaur, auzotarrak elkartu eta giro ederrean egoteko. Eta den-denak elkartu nahi dituzte, gainera: adin guztietarako programa prestatu dute, eta auzotar guztiei egin diete deia, animatzeko.
Horrela, jolasean hasiko dute eguna haurrek, eta helduek, txapelketarako tortillak prestatuko dituzte bitartean. Onenak saritu ondoren, kalejiran abiatuko dira auzoan zehar.
Auzotarrak, mahaiaren bueltan elkartuta
Bazkalorduan, mahaiaren bueltan elkartuko dira auzotarrak, eta arratsaldean, festa giro ederrean bukatzeko, erromeria egingo dute, Bide Batez taldearekin.
Portu Eguna, gaur:
10:30, Umeentzako jolasak.
12:00, Auzotarren arteko patata tortilla txapelketa (bakoitzak bere etxean egin behar du).
13:00, Tortilla txapelketako sari banaketa: irabazleari, bi lagunentzako bazkaria Fagollagan; bigarrenari, bi lagunentzako bazkaria jatetxe batean.
13:30, Kalejira trikitixarekin auzoan zehar.
14:30, Auzo bazkaria.
18:00, Erromeria ‘Bide Batez’ taldearekin.