Nafarroako Txapelketa iritsi da azken fasera, eta astelehenean izanen da final haundia. Iker Salaberriak txapelketa bikaina egin du, eta ondo merezitako pasea lortu zuen joan den astean, Gaskuaren kontra 18-2 irabazita. Goizeko 11:00etan hasiko da finala, eta Antsoren kontra neurtuko ditu indarrak. Joan den asteko emaitzekin jarraituz, Aizkorbe eta Apezetxea nagusi izan ziren Gartzarongo Txapelketan, 18-6, Satrustegi anaien kontra. Beraz, aste honetan final laurdenak jokatuko dituzte, Añorgako Orbegozo eta Olidenen kontra; 16:00etan izanen da. Azkenik, Salaberria eta Gaskue ere nagusi izan ziren, 18-5, Mata eta Beteluren kontra. Gaur, Aitzol Salaberriak eta Beñat Apezetxeak jokatuko dute, Buruzgain taldearen kontra; 11:00etan, Larrainzarren.