Gazteen artean euskeraren erabilera sustatzeko asmoarekin, Motxian Eby esketx lehiaketa antolatu da Buruntzaldean eta Oarsoaldean. 12 eta 16 urte arteko gazteek bihar hasi eta azaroaren 15era arteko epea daukate, minutu baten bueltako iraupena duten bideoak bidaltzeko. Lanak edozein gailurekin grabatu daitezke, Stop Motion edo Meme teknikak erabilita, eta email edo whatsapp bidez bidali ahal izango dira. Informazio gehiago: www.motxianeby.eus.