Unai Loiarte alkatea eta Olaia Lekuona, deklaratzera deituta

Audientzia Nazionalera deitu dituzte Unai Loiarte Goizu­e­ta­ko alkatea eta Olaia Lekuona herritarra, deklaratzera. Terro­rismoari apologia egitea egotzi diete biei, eta gaur goizean pasa beharko dute Eloy Ve­las­co epailearen aurretik.
Deialdia jaso ondoren, ba­tzar informatiboa egin zuen Goizuetako EH Bilduk, asteartean bertan, eta babesa erakutsi zieten Loiarteri eta Lekuonari, Madrilera abiatu aurretik.
Atzo arratsaldean, berriz, herriko plazan bildu ziren herritarrak, 19:00etatik aurrera, «egozpenaren zentzugabekeria sa­la­tu eta Olaia eta Unairi gure babesa erakusteko», nabarmendu zutenez.

Madrildik bueltan, plazan elkartuko dira gaur
Deklaratu ondoren, eta Goizu­e­tara bueltatzerakoan, herriko plazan elkartuko dira be­rriro, azken berriak ezagutzera emateko.