Ondare natural eta kulturala ezagutzeko, ibilaldi gidatua egingo dute Zepadiko putzura, larunbatean, Udazken Kulturalaren barruan. Aranzadiko zientzialariek gidatuko dute saioa, eta 10:00etan abiatuko dira Epeletik. Joateko, aurrez eman behar da izena, eta gaur da azken eguna: Aranzadira deitu behar da (943 46 61 42) edo Ereñotzuko Auzo Udaletik pasa.
Hilaren 17an, berriz, adinekoen egunpasa antolatu da Lizarrara, Iratxeko bodegara eta trufaren museora, 25 eurotan. Bertara joateko ere, izena eman behar da aurretik, eta biharkoa izango da azken eguna, Auzo Udalean.