Urtero bezala, herriko sukaldari onenek zita jarri dute Bakailu Astearen barruan, urriaren 18an. Bakailua pil-pilean lehiaketa egingo dute Atsegindegin, goizeko 11:00etatik 12:30etara. Bikoteka arituko dira parte hartzaileak, eta sari potoloak izango dira hiru onenentzat: aurrenekoei, txapela, 300 euro eta bakailu pieza haundia; bigarrenei, 200 euro eta bakailu ertaina; eta hirugarrenei 100 euro eta bakailu txikia.
Parte hartu nahi duenak, izena eman behar du turismo informazio puntuan: 943 33 70 28 edo gurutze-a@hernani.net.
Bisita gidatuan, gaur arte
Albaola itsas faktoriara bisita gidatua ere antolatu dute, urriaren 14an, eta apuntatzeko, gaur da azken eguna, bide berak erabilita. Eta Hernaniko hirigunean egingo dute bisita, urriaren 18an; izena emateko epea, urriak 15 arte.