Ligako aurreneko partidua Getxoren kontra jokatu dute Euskal Ligako 2garren mailako neskek, eta 74-60 galdu zuten. Aurkariak lehengo urtean aurreneko mailan ibili ziren, eta aldea nabaritu zuten astigartarrek. Presio haundia egin zuten, ia bi ordu luzeko partidu gogor batean. Aurreneko laurdena 25-14 bukatu zen. Partiduak aurrera egin ahala, ordea, Mundarro gero eta hobeto ateratzen zen presiopetik, eta aurkarien nekea ere nabaritzen hasi zen. Partidua bukatzeko 4 minuturen faltan markgailuak 7 puntuko aldea besterik ez zuen erakusten, baina azkenean, Mundarrok, ezin izan zion partiduari buelta eman.