Babes Ofizialeko etxeen zozketan sartzeko onartuen eta baztertuen zerrenda jendaurrean eduki ondoren, inork ez du erreklamaziorik aurkeztu, eta beraz, zozketarako eguna jarri da. Urriaren 21ean, iluntzeko 20:00etan udaletxean egingo da Babes Ofizialeko 18 etxebizitzen zozketa. Zozketa sei taldetan banatuko da: bi gelako bi etxebizitza; 70 urtetik gorakoentzat; hiru gelako hiru etxebizitza, 4 kide edo gehiagoko familientzat; hiru gelako hiru etxebizitza, 3 kideko familientzat; hiru gelako hiru etxebizitza eta bi gelako etxebizitza bat, 2 kideko familientzat; hiru gelako hiru etxebizitza eta bi gelako etxebizitza bat, 35 urte artekoentzat; eta bi gelako bi etxebizitza, gainontzeko eskaeretarako.