Urriaren 11tik 17ra bitartean jokatuko da Trinketeko VI. Munduko Kopa, Mexikoko Guadalajara eta Tepic herrietan.
Guztira, 12 herrialdek hartuko dute parte: Argentina, Kuba, El Salvador, Frantzia, Mexiko, Estatu Batuak, Bolivia, Txile, Italia, Uruguay, Venezuela eta Espainia. Azken honetako selekzioarekin jokatzeko deitu dute Oier Gurutzealde astigartarra.
Kuba eta Bolivia aurreneko aurkariak
Aurreneko fasea urriaren 12, 13 eta 14an jokatuko da. Bertan, talde partehartzaile guztiek jokatuko dute, hiru taldetan banatuta; A, B eta C. Gurutzealdek C taldean jokatuko du, Kuba eta Boliviaren kontra.
Aurreneko fase horretako irabazleak sailkatuko dira finalerako; urriaren 15etik 17ra jokatuko da fase hori.