Udazkena bete ekintza, Ereñotzun

Ekintzaz ekintza ibiltzen dira ereñotzuarrak, udazkena iritsi bezala, eta aurten ere ez da ezer faltako. Larunbatean eman zioten hasiera, Ere­ño­tzuko Udazken Kultura­laren 27garren edizio­ari, bizikletan Aranora igoera eginda; eta azaroaren 14ra arte, makina bat ibilaldi, ikuskizun, hitzaldi eta egunpasa prestatu dituzte.
Larunbat honetan bertan izango da bigarren plana: Ze­pa­diko putzura ibilaldi gida­tua, Aranzadiren eskutik. Goi­zeko 10:00etan abiatuko dira, Epele­ko aterpetik. Parte har­tzeko, hala ere, aurrez eman behar da izena: osteguna baino lehen, Aranzadin edo Auzo Udalean.

Xabier Madinaren hitzaldia, datorren asteartean
Bete-betea datorrena, hurren­go astea da, lau ekintzarekin. Hi­tzaldia izango dute astear­te­an, Xabier Madinaren eskutik: Nordic Walkin osasun jardu­era. 19:30etan izango da.
Ostiralean, berriz, bertso saioa antolatu dute, ordu berean, bertsolari gazteekin: Eli Pagola ereñotzuarra, Beñat Iguaran, Unai Mendizabal eta Asier Azpiroz.

Auzoko Festa, urriaren 18an
Eta astebururako, zita bikoitza prestatu dute. Adinekoek, egun­pasa egingo dute Lizarra­ra, larunbatean. Trufaren mu­se­oa eta Iratxeko bodega bisi­tatuko dituzte. Izenematea Auzo Uda­lean egin behar da, urriaren 9a baino lehen. 25 euro dira, bazkaria eta autobusa barne.
Haurrek, berriz, magia sa­ioa izango dute igandean, Txan Magoaren eskutik, Auzo Etxeko areto nagusian 11:30etan.
Eta igandean bertan, Auzo­ko Festa egingo dute, arratsal­dean. Denetik izango da fron­to­ian, 17:00etatik aurrera: ber­ta­ko sa­gardoak eta gaztain erre­ak, azo­ka eta tortilla lehiaketa.