Eskolara bizikletan joateko aukera, gaurtik

Gaurtik aurrera, Hernaniko neska-mutilek etxetik esko­la­rako bidea bizikletaz egiteko aukera izango dute. Bi ibilbide aurreikusi dituzte: Florida au­zotik goizeko 08:30etan ate­ra­ko dena; eta  Zikunagatik 08:35­­etan abiatuko dena. Ibi­lbideak 20 mi­nu­tu ingurukoak dira, eta gogo­ratu dute, ikas­tetxe guztietara iritsiko direla, hala nola, Elizatxo, Inmaku­lada, Langile eta Urumeara. Adinari da­go­kionean, 8 eta 12 urte bitarteko neska-mutilek laguntzarik gabe egin dezakete; eta txikiagoak gura­soekin. Kaskoa eta aldatzeko arropa eraman behar direla ere, gogoratu dute; azken hau, ikastetxean eduki daitekeela ere, azaldu dute.

Ohitura osasungarriak hartzea, helburuen artean
Asko dira ekimen honek di­tuen helburuak, eta horietako bat da, haurrak kirola egitea eta ohitura osasungarriak har­tzea. Bide batez, herriko bidegorri sarea ezagutu eta erabiliko dute. Gainera, ikas­tetxe guztietako haurrek elka­rrekin egingo dute saioa, eta hortaz, besteak beste, lagun be­rriak egiteko aukera ere izan­go dute. Halako ekimenei esker, haurrek autonomia lan­tzen dute, eta auzoetan bizi direnei, laguntza eskaintzen zaie. Era berean, gurasoei egu­nero autoa hartu eta eskolara joan-etorria egiteko zama arintzen zaie; eta beraz, kutsadura ere gutxitu egiten da. Eta sinpleagoak diren beste hainbat helburu ere, baditu ekimenak: aire osasuntsua arnastea, egunari alaitasunez ekitea, euskeraz hitz egitea...

Bide heziketan, aurrera pausoa
Bide heziketa urteroko ikas­gai bihurtu da herriko ikas­te­txe­etan. Honi esker, haurrek oi­nezko eta txirrindulari ardu­ra­tsuak izateko jarraibideak ikasten dituzte, beti ere, udaltzainek lagunduta: «Bizi­Busa egitasmo berria da, bide heziketan aurrera pausoa. Hain zuzen ere, garraiobideak arduraz erabiltzeko ikasgaiari heldu nahi diogu, eta egu­neroko praktikarekin, ha­sitako zikloa osatu, teoriatik praktikara pasa».