Urteroko ohiturari hutsik egin gabe, aurten ere Sagardo Lehiaketa antolatu dute Xalaparta elkartean. Urriaren 17an egingo dute, larunbata, arratsaldeko 20:00etan. Hernaniko 10 sagardogilek hartuko dute parte, horien artean, urtean zehar hainbat sari jaso dituztenak. Afariaren prezioa 25 eurokoa da, eta parte hartu nahi duenak zabalik du izena emateko epea; gogoratu dute irekia dela, nahiz eta bazkideek lehentasuna izango duten. Zerrenda elkartean dago eta epea hilaren 12ra arte egongo da zabalik.