Ikasturte berriarekin batera, Literatur Solasaldiak ere martxan dira. Udal Liburutegiak antolatzen ditu, eta azken edizioetan bezala, oraingo honetan ere bi izango dira hilean; bat euskaraz eta bestea gaztelaniaz, 19:30etan.
Urrirako egin dituzten proposamenak beraz, bi dira. Asteazkenean bertan, Irene Nemirovskyren Suite francesa liburua aztertuko dute, gaztelaniaz. Euskerazko solasaldia berriz, urriaren 20an izango da; bertan, Karlos Linazasororen Bertan Goxo liburua aztertuko dute.
Azaroaren 11n izango da, hurrengo solasaldia. Kasu honetan, Junichiro Tanizakiren Hay quien prefiere las ortigas lana aztertuko dute, gaztelaniaz. Azaroaren 17an berriz, Lander Garroren Gerra txikia liburuaren inguruan egingo dute solasaldia.
Azkenik, abenduaren 9an, Colm Toibinen Brooklyn lanaren inguruan egingo dute solasaldia; gaztelaniaz izango da. Eta udazkeneko azkena, abenduaren 15ean izango da. Euskeraz noski, Javier Aramendiren Verba polita liburua aztertuko dute.
Sei proposamen, sei solasalditarako
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!