Landare Hernaniren fuerte bihurtzeko aukera, gaur

­Denboraldiko aurreneko par­­­­­tiduan erakutsitako au­sar­dia eta grinari eutsi nahi dio Her­nanik gaur; Landare, tri­koloreen fuerte bihurtu. Bar­tzelonaren bisita jasoko dute hirugarren jardunaldi ho­netan, eta ohi bezala, hor­tzak estutu, eta dena ematera aterako dira. Joan den urteko den­boraldi zailean, arerio zu­zena izan zen talde katalu­nia­rra; eta aurten, momentuz, ez dute partidurik irabazi. Her­nanik berriz, baja garran­tzitsua izan­go du gaurkoan; Igor Genua Espainiako selek­zio­arekin baitago Kenian, Nai­robi Safara Sevensean. Ikus­kizuna ziurtatua izango du beraz, 12:00etan Landarera gerturatzen denak.

Bi taldeetako jokalari ugari, gaurko partiduan
Hernani 50garren urteurrena ari da ospatzen, eta azken txu­pinazo gisa, festa girorik ez da falta asteburuan. Bar­tze­lo­na­ko harrobiko talde ugari gon­bi­datu dituzte asteburu pasa. Atzo esaterako, to­pa­ke­ta-tor­neoa jokatu zuten. Hernanik azaldu moduan, antzeko filo­so­fia duten bi talde dira, ha­rrobia asko neurtzen dutenak. Kate­goria guztietan neurtu zituzten indarrak, eta kirola eta lehiaz gain, harreman ona eta festa giroa nagusitu ziren. Gaur, Landaren izango dira guztiak, bi taldeak animatzen.