Euskal Jaia ospatu zuten aurreko igandean, Iskibi kanpinean, denboraldiari agurra emateko. Eguraldi bikaina izan zuten festarako, eta oso giro polita jarri zuten bertaratu zirenek. Herri kirolek ez zuten huts egin, eta trontzan bezala, proba berezi batean ere aritu ziren: Jon Larrañaga Larra aizkolariak, azkarrago moztu zituen hiru enbor, Hernaniko bi atletak, Anartz Artolak eta Yohanes Merinok, errelebotan hiruna kilometro osatu baino. Gero, nola ez, talo jatea ere egin zuten, eta oso gustora geratu zen jendea.