Prest dauzkate ehiza postuak, dagoeneko, Aranon eta Goizuetan, usotan eta birigarrotan aritzeko. Egunotan aritu dira, bakoitza dagokion postua egiten.
Aranon, ostegunerako behar zituzten eginda, eta egun horretan bertan ireki zuten denboraldi berria. Hala ere, Pilarikako asteburuan hasiko da mugimendua, gehienbat. 24 postu izango dira, boluntarioek egin dituzten 3 postuak barne, eta errotatzen joango dira egunero, azaroaren hasieran sasoia ixten den arte. Goizuetan, urriak 10ean hasita Eginda dauzkate postuak, Goizuetan ere, eta errebisatzen aritu dira komisioko kideak, egunotan, ondo dauden, altuera egokia duten... ikusteko. Postua eskas samarra egin duenak, txukundu egin beharko du pixka bat.
Gaur zortzi zabalduko da denboraldia, azaroaren 8ra arte. 60 postu izango dira, eta iazko zozketan zehaztu zuten, lau urterako, zein postu dagokion bakoitzari, egun bakoitzean. yy