Sutu Jaiak gazte taldeak indartsu hasi du ikasturtea, eta Sutu Hernani izena hartu du, jaietara mugatu beharrean, urte osoan lanean aritzeko asmoa baitu. Hasteko urrirako egitaraua prestatu dute, eta gaur bertan, Boyhood pelikula jarriko dute, gaueko 23:00etan, Kontrakantxa Gaztetxean.
Bizilagunak ekimenean parte hartzeko deia
Bestalde, jakinarazi dute aurten Bizilagunak ekimena azaroaren 22an egingo dela; bazkariak egiten dira hernaniarrak eta kanpotarrak elkartuta. Parte hartzeko deia luzatu diete gazteei, eta bilera informatiboa deitu dute urriaren 9an, 19:00etan Gaztetxean.