Iparraldetik datorren Albokatropik musika taldeak emango dio hasiera aurten, Hernaniko XXII. Alboka topaketari.
Hirukote honek 19:30etan emango du kontzertua, doan, Biterin. Albokaz gain, trikitixa, panderoa, tronpeta, xirula eta gitarra ere jotzen dituzte, eta guztiarekin, sorkuntza garaikidea erritmo herrikoiekin nahasten dute, festa giroko emanaldia osatzeko.
Egun osoko festa, bihar
Bihar, berriz, goizeko 12:00etan hasiko da festa. Ordu erdi lehenago Plazan elkartuko dira Euskal Herriko txoko guztietako albokariak, eta herrian barrena kalejiran ibiliko dira. Eguerdian emanaldi txikiak ere izango dira.