Albokatropik eta topaketak, asteburuan

Euskal Herriko alboka joleak elkartuko dira asteburu hone­tan Hernanin, beste urte ba­tez. Izan ere, Albokarien Hernaniko XXII. Topaketa os­pa­tuko da, ostiralean eta la­runbatean.

Albokatropik taldearen kontzertua, hasteko
Astebukaerari hasiera ema­te­ko, kontzertua izango da osti­ra­lean, arratsaldeko 19:30etan Biterin, doan.
Iparraldeko hirukote bat igoko da taula gainera: Albo­ka­tropik. Albokaz gain, instru­men­tu gehiago ere joko dituz­te: trikitixa, tronpeta, gitarra, txi­rula eta panderoa, besteak bes­te. Festa giroa jarriko dute, erritmo tradizionalak eta sor­kuntza garaikideak nahas­tuta.   

Euskal Herri osoko albokariak, larunbatean
Egun haundia, berriz, la­run­ba­ta izango da; Araba, Biz­kaia, Gipuzkoa, Iparraldea eta Nafarroatik etorritako al­bo­kariak ibiliko baitira Her­nanin barrena.
Goizeko 11:30etan elkar­tu­ko dira guztiak udaletxeko ar­ku­petan, eta 12:00etatik au­rrera kale bueltan ibiliko di­ra. Eguerdiko 13:00ean, be­rriz, Albokaldia egingo dute Ti­losetan. Bertan, al­bo­kari guztiek taldeka ema­nal­di­txoak eskainiko di­tuz­te, eta alboka egileen azo­ka ere ikusi ahal izango da. Eguraldi txarra egiten badu, Tilosetan egingo da dena.
Bazkaria, berriz, eguer­di­ko 14:30etan izango da, Santa Bar­bara elkartean. Azkenik, eguna eta Albokarien Topa­keta buka­tzeko, arratsaldeko 18:00etan beste kalebuelta bat emango dute musikari guztiek elka­rrekin.