Desgaitasuna dutenen lekuan jartzearen garrantzia, ikasita

Zer sentitzen du desgaitasuna duen pertsona batek? zein dira dituen trabak? Nola mol­datzen da? Galdera horiei erantzuteko aukera izan zuten atzo, Atsegindegira gerturatu zirenek. Koxkak eta beste hainbat talde eta eragilek an­tolatuta, Ginkana egin zuten, Mugi­kortasun astearen ba­rru­an. Herritar ugarik hartu zu­ten parte Atsegindegin jarri zi­tuzten proba ezberdinetan, umeak, gazteak eta helduak animatu ziren atzokoan. Hiru erruedetako bizikleta, gurpil­dun aulkian joan eta eraman... ginkanaren helburua zen, desgaitasuna duen pertsona baten lekuan jartzea, per­tsona horiek egunero dituzten traba eta zailtasunak lehenengo per­tsonan bizitu eta ezagutzeko; antolatzaileek eskatu bezala, giro onean eta alai hartu zuten parte, animatu zirenek. Bukaeran gainera, txokolate goxoaz disfrutatu zuten.
Atzoko ginkanarekin bu­katu zen, 2015eko Mu­gikortasun Astea; aurten ere, hainbat ekitaldi izan dira: tartean, ttapa-ttapa, bizikleta festa, patinetan buelta...