Aurten ere, gripearen kontrako txertoa jasotzeko aukera izango dute ereñotzuarrek, Auzo Udalean. Urriaren 20an jarri dute zita, goizeko 11:00etan hasita.
Txertoa hartu nahi dutenek dagoeneko aukera daukate Auzo Udalera telefonoz deitu (943 55 10 00) eta izena emateko.
2012tik ematen den zerbitzua
Hernanira joan beharrik gabe, gripearen kontrako txertoa Ereñotzun jasotzeko aukera 2012an eman zuten, aurreneko aldiz, Auzo Udalak, Osakidetzak eta Hernaniko Anbulatorioko erizain taldeak elkarlanean.
Bereziki, 65 urtetik gorakoei, gaixo kronikoei eta haurdunei dago zuzendua.
Urtetik urtera, haunditu egin da zerbitzua erabili dutenen kopurua. Azken bi urtetan, adibidez, 14 eta 20 erabiltzaile izan dira, hurrenez hurren. Horri horrela, aurten ere zerbitzua emango da.
Deialdi berezia helduei, gaixoei eta haurdunei
Txertoa hartzea aukerakoa bada ere, deialdi berezia egiten zaie 65 urtekoei, gaixotasun kronikoak dituzten pertsonei eta haurdunei.