Ostegunean abiatu zen Emakumeen Mundu Martxa Bartzelonatik, eta urriaren 17an bukatuko da, Lisboan. Tartean, berriz, Leitzatik pasako da, datorren asteartean; irailaren 29an. Hori horrela, hainbat ekintza antolatu dituzte Leitzako Bilgune Feministak, Kontsumo Taldeak, Udalak eta Gizarte Zerbitzuen Mankomunitateak, eta inguruko herritar guztiak animatu nahi dituzte ekintzetan parte hartzera. Asteartean eguerdiko 13:00ean harrera eginen zaio martxari. Ondoren, Agina landatu eta plaka bat jarriko da, eta 14:00etan bazkaria eginen da Torrean; txartelak salgai daude 8 eurotan.