Bikain hasi zuen Liga Mundarrok, Erregional Preferenteen mailan, eta halaxe estreinatu nahi du zaleen aurrean ere. Zarkumendegin jokatuko dute moreek gaur, EAS 08 taldearen kontra, arratsaldeko 16:00etan.
Aurreko astean Deustori irabazita, konfiantzaz gainezka aterako dira astigartarrak, hain ondo hasi ez zen talde baten kontra: etxean galdu zuen EAS 08k, Vasconiaren kontra (0-1).
Hirugarren dago Mundarro Ligan, eta goiko postu horietan segi nahi du, iazko sufrimenduak ahaztuta. Gaur irabaztea, aurreneko pausoa.