Garaipena bakarrik ez, lidertza ere bilatuko du Mundarrok bihar, Gipuzkoako lehenengo mailan, txapelketa hasiera onari segida emateko. Aurreneko partidua izango du etxean, 10:45etan Astigarragako kiroldegian, Arri BKL taldearen kontra. Aurreko asteburuan Soraluce Bergarari irabazita (46-60), Ligako bigarren daude astigartarrak. Beasaingo taldea, berriz, etxean galtzetik dator (57-59), Bostekoren kontra.
Bigarren mailakoak, gaur
Gipuzkoako bigarren mailako taldeak, berriz, gaur jokatuko du. Etxean ariko dira beraiek ere, 16:00etan kiroldegian, Oiarsoren kontra. Aurreneko garaipena bilatuko du Mundarrok.