Datorren astean hasiko dira astigartarrak, herri baratzak lantzen. Dagoeneko eman dute beharrezko ikastaroa, eta behin kontratuak sinatuta, berehala izango dute aukera, horiek erabiltzeko.
40 baratza eskaini zituen Udalak, nekazaritza ekologikoa lantzeko, bakoitza 30 metro karratukoa. Apuntatu ziren herritarren artean, zozketa egin zuten irailaren 14an zozketatu zituzten herri baratzak. Horrela, baratzak adjudikatu ziren, eta gainontzekoekin, itxaron zerrenda bat osatu zen.
Derrigorrezko ikastaroa, aste honetan
Baratzaren bat jaso duten herritarrek, derrigorrezko ikastaro bat eman behar izan dute, ingurugiro teknikariaren eskutik, nekazaritza ekologikoaren nondik norakoak ezagutzeko. Bi taldetan banatuta egin dute ikastaroa: talde batek, astearte eta ostegunean izan ditu klase teoriko-praktikoak; eta beste taldeak, gaur bertan emango du ikastaro osoa.
Astelehenetik asteazkenera sinatu behar dute kontratua, herri baratzak erabiltzen hasteko.
Kontratua sinatzeko, astelehenetik asteazkenera
Behin ikastaroa emanda, datorren astelehenetik asteazkenera sinatu beharko dute kontratua, tokatu zaien baratza jasotzeko. Behin kontratua sinatuta, berehala izango dute aukera astigartarrek, herri baratzak erabiltzen hasteko.