«Beharrezkoa da presoen eskubideen aldeko borroka indartzea»

Espainiako Auzitegi Naziona­lak bilkura egingo du gaur. Bertan erantzuna emango dio euskal pre­so politikoen sakabanaketarekin bukatu eta Euskal Herri­ratzeko egindako eskaerari. Ho­rren harira, kontzentrazioa deitu zuen atzo Sortuk eta herritar uga­­rik egin zuen bat. Auzitegi Na­zionalaren erabakia, Madrilgo gobernuaren eskutik aldez aurre­­tik idatzia dagoela pentsatzen du Sortuk, «euskal presoen eskaerei bizkar emanez», eta beharrezkoa ikusten du euskal preso politikoen eskubideen aldeko borroka indartzea: «mobilizazio sozialen bitartez, babes eta presio politiko eta instituzionala indartuz...».
Baigorrin izandako azken atxiloketak ere salatu zituzten: «Errepresioa dute euren politikaren ardatz Madril eta Parisek. Gatazkan kateatuz, etorkizuna lapurtu nahi diote gure herriari».
Eta gogorarazi zuten ETA arma­gabetzearen aurreko in­ben­­tariatze eta zigilatze prozesuan dagoela: «ETA ez da dagoeneko eragile armatu bat; horregatik, ETAren kontra ekiteak herri honetan zabaldu den errealitate politiko berriari muzin egitea suposatzen du». Eta gaineratu zuten: «Errepresioz eta atxiloketen bidez ari dira bakearen kontra. Bakearen etsaia da PP eta zoritxarrez, Gasteizko gobernuak diskurtso berbera darabil».