Mugikortasun Astearen barruan, aurten ere Ginkana egokitua izango da gaur (17:00-19:00), Atsegindegin. Zazpigarren edizioa da aurtengoa, Koxka elkarteak, Euskadiko desgaitasun fisikoa duten kirolarien elkarteak, Hernades boluntarioen taldeak, AGIK (Gipuzkoako bista gabezia dutenen elkarteak) AGAEB (Gipuzkoako Bizkar Hezur bikoa dutenen elkarteak) antolatuta eta FEDER Gipuzkoak (Gaixotasun Arraroen Federazioaren barruan dagoena) antolatuta; azken hau, berria.
Trabak ezagutzeko aukera
Ginkanaren helburua da, desgaitasuna duen pertsona baten lekuan jartzea, pertsona horiek egunero dituzten traba eta zailtasunen jakinen gainean jartzeko, «hori bai, beti ere giro alai batean, eta umore onean», azaldu dute antolatzaileek.
Probei dagokienean, guztiek izango dute zerikusia desgaitasun batekin. Azaldu dutenez, kontuan hartuko dute probalariaren sinpatia, alaitasuna, gogoa...
Bestelako tailer batzuk ere izango dira, txikientzat: txapa eta pintura tailerrak...
Baita ere, FEDER elkarteak, stand bat izango du, eta makilajea egingo die umeei, hau da, aurpegia margotuko die.
Ginkanaren zirkuitua bukatzean, txokolate urtua emango zaie probalari eta ikusleei.
Koxka elkarteak gonbidapena luzatzen die herritar guztiei.