Giro ederrean egin zuten aurreneko buelta

Mugikortasun Astearen barruan, berrogeita hamar lagun inguru elkartu ziren atzo, Ttapa-Ttapa egitasmoan. Ikasturteko aurrenekoa izan zen, eta giro ederrean egin zuten buelta: Atsegindegitik abiatu, eta Andrekale, Urbieta, Latsunbe, Igerileku ireki, Ave Maria eta Latsunbetik barrena ibili ziren. Bukaeran hamaiketako berezia ere egin zuten; ohiko saldaz gain, pin­txoak ere izan zituzten!