Mugitzeko beste hainbat modu ikasi eta praktikan jarri dituzte egunotan astigartarrek, baina bitartean, ondo pasatzeko aukera ere izan dute. Ginkana egin zuten larunbatean, Herri Eskolako patioan, eta mota guztietako oztopoak gainditu zituzten haurrek, bizikleta gainean. Ondoren, gainera, txokolatada izan zuten. Eta Mugikortasun Asteari bukaera emateko, helduak igo ziren bizikleta gainera atzo, herrian barrena nola ibili ikasteko.