Aurrekoa bukatu bezala, bikain hasi du denboraldi berria Mundarrok, Erregional Preferente mailan. Ez zeukaten partidu erraza moreek, Deustoren kontra Zubietan. Baina aukerak aprobetxatuta eta gogor lan eginda, hiru puntuak ekarri zituzten, 1-3 nagusituta.
Hobeto sartu zen partiduan Deusto, baina momentu txarrari etekin ezinhobea atera zioten moreek: Riosek bandatik atera, eta buruz egin zuen gola Beñat Mendiburuk. Markagailuan aurretik jarrita, lasaiago ibili zen Mundarro, baina hala ere, lan haundia egin behar izan zuten presioan, akatsen ondorioz. Edozein kasutan, 0-1 aurretik iritsi ziren atsedenaldira, nekeak neke.
Beñat Mendiburuk egin zuen estreinako gola, eta Deustok berdindu ondoren, bi gol egin zituen Gutik, garaipena lortzeko.
Atsedenetik bueltan, kolpea
Gutxi iraun zien pozak astigartarrei, atsedenetik bueltan. Hasi eta hiru minutura, partidua berdindu zuen Deustok, Ivan Gomezek penaltia egin ondoren, baloiak eskuan emanda.
Taldeak, ordea, ez zuen amore eman, eta kolpeari beste kolpe batekin erantzun zion. Deustoko atezainaren irteera txar bat aprobetxatu zuen Gutik, eta aurretik jarri zuen berriro taldea (1-2).
Gutik berak eman zion azken errematea partiduari, gol polit batekin 1-3koa jarriz, banakako jokaldi baten ondoren.
Garaipenarekin, sailkapeneko hirugarren postuan hasi du Liga Mundarrok.