Parte hartze mahaia osatuko da etzi, hondakin bilketaren kontsulta lantzeko

Ostiralean osatuko dute au­rreneko parte hartze mahaia, hondakin bilketaren kon­tsul­ta eztabaidatzeko. Udaletxeko ple­­no aretoan deitu dute bile­ra, arratsaldeko 19:00etan, eta he­rritar guztiei irekia izango da.
Parte hartze mahai hori osatuko da, Udaleko alderdi po­litiko guztien ordezka­rie­kin, eta Astigarragako elkarte zein talde ezberdinetako or­dez­ka­ri­ekin. Irailaren 7ko Parte Hartze Batzordearen bileran proposatu zuen EH Bilduk mahaia era­tzea, kontsulta nola egin era­ba­kitzeko, eta aho batez onartu zuen batzordeak. Horrela, parte hartze ordenantzak jaso­takoari jarraiki egingo da.

Asmoa, «herritarren parte hartze zabalena lortzea»
Gobernu Taldeak adierazi du, «herritarren parte hartze za­ba­lena» lortu nahi duela horrela, jarraipen mahaietan eta ba­tzor­deetan, eta «deitzekoa den herri kontsultan».
Hain justu, eguna eta ordua aukeratu dituzte, «kon­tsultan egingo den galderaz in­for­ma­zioa jasotzeko ahalik eta jende gehien hurbil dadin». Kon­tsul­ta egitea da Udal Gobernu Tal­dearen «helburu nagusia».