Udal Euskaltegiak gaur hasiko du ikasturtea. Talde batzuetan badaude oraindik plaza batzuk hutsik eta, horiek betetzeko, matrikula epea zabaldu egin dute beste astebetez. Beraz, matrikulatzeko epea irailaren 25era arte izango da zabalik.
Aukera zabala
Aukera zabala dauka euskera ikasi nahi duenak euskaltegian: goizetan, eguerditan, arratsaldetan eta gauetan; bai aurrez aurreko taldean, bai autoikaskuntzan ordenagailu bidez; maila guztiak. Horrez gain, malgutasuna eskaintzen dio euskaltegiak ikasleari modulazio eta ordutegi aldetik, bakoitzarentzat egokiena den irtenbidea aurkitzeko.
Euskera ikasi, mantendu eta hobetu; tituluren bat atera: HABE, EGA, perfilak, Hizkuntza Eskola Ofizialekoak... asko dira ikasleen helburuak. Eta nabarmendu dutenez, euskaltegian urte askoko esperientzia eta formazio haundia daukan irakasle talde batek lagunduko dio jarritako helburuak betetzen.
Praktika ere bai
Ikasitakoa praktikan jartzeko ere aukera zabala izango du ikasleak: asteburuko barnetegiak, tailerrak, hitzaldiak... Eta izena eman ez duenak ere bai. Joan den ikasturtean abian jarritako Kafe tertulia berriz jarriko du martxan urrian, euskera praktikatuz momentu atsegin bat pasa nahi duen edozein herritarrentzat, euskaltegiko irakasle batek dinamizatuta; doan, kontsumizio baten truke.
Diru laguntzak ere badira. Izena emateko edo informazio gehiagorako: 943 33 18 96 edo euskaltegi@hernani.eus.