Donostia-Beterri bailarako Udalek (Andoain, Astigarraga, Hernani, Lasarte-Oria, Urnieta eta Usurbilek), langabetuak kontratatzeko diru-laguntzak eskaintzen dituzte, enplegua sustatzeko asmoz. Bertako enpresei zuzendutakoak dira, edozein negoziotakoak, aipatutako bailarako langabeak eta lan-eskatzaile moduan Lanbiden izena emanda daudenak kontratatzeko.
2015eko aurrekontuan 110.250 euro aurrikusi dira diru-laguntza honetarako. Zenbateko hau Lanbidek finantzatzen du.
Eskaera egin
Enpresek diru-laguntza hau jasotzeko, Lasarte-Oriako Lanbideko bulegoetan lan-eskaintza zehatza aurkeztu beharko dute eta Lanbidek proposatutako pertsonen artean aukeratu beharko dute.
Kontratazio hauek 2015eko ekainaren 22tik aurrerakoak izan behar dira. Eta diruz lagundutako kontratuek 2016ko maiatzaren 31 baino lehen bukatu behar dute, 6 hilabete gorako kontratuak izan ezik. Hala ere, aipatutako data baino lehen bukatu beharko dituzte kontratuaren lehendabiziko 6 hilabeteak.
Kopuru desberdinak
Laguntza ekonomikoak zenbateko hauen araberakoak izango dira:
1.- 3000 euroko gehienezko laguntza, 3 hilabete iraungo duen lanaldi osoko kontraturako.
2.- 6000 euroko gehieneko laguntza, 6 hilabete edo gehiago iraungo duen lanaldi osoko kontraturako. Bi kasuetan ez da kontratuaren kostuen %75 baino haundiagoa izango.
3.-Diru laguntzak gehikuntza izango du honako hauek kontratatzen direnean: 55 urtetik gorako iraupen luzeko langabetuak. Azken zenbatekoa ez da %100 baino haundiagoa izango.
Kontratu partzialek %50eko lanaldia izan behar dute gutxienez, eta kasu honetan adierazten den diru-laguntzaren erdia jasoko dute.
Martxoaren 31 arte
Eskaerak aurkezteko epea martxoaren 31 arte izango da, eta Andoaingo Udalaren Sustapen ekonomiko, enplegu eta Gazteria Saileko bulegoan egin beharko da (La Salle etorbidea 6).
Informazio gehiago: Alfonso Gonzalez (943 33 50 21), alfonso-g@hernani.eus.