Atzo hasi ziren Euskal Jaiak, Arraun elkarteak antolatutako Txerriboda eta Sagardo Festa­rekin eta asteburuan izango dute jarraipena. Egun nagusia gaur izango da gainera. Goizean goizetik, abeltzaintza azoka antolatu dute Tilosetan.

Sasiardiak, pottokak, betizuak… ikusgai
Abeltzaintza azokak 10:00etan irekiko ditu ateak. Xabier Iradi albaitariak azaldu zuen bertan izango direla sasiardiak, potto­kak, betizuak… «Azoka antola­tzea oso garrantzitsua iruditzen zaigu eta indar asko jartzen da ekintza hau antolatzen. Herna­ni mailako abere eta hegaztiak izango dira bertan. Galtzear egon diren espezieak, bertako baserrita­rrek genera­zioz gene­ra­zio mantendu dituzte­nak. Lehen gertuago bizi genuen baserri mundua eta orain, egun batean bada ere, herritarrei gerturatzea garrantzitsua da». Ubarroto, Aitzolaborda eta Txabolategi baserrietako abere­ak izango dira, hain zuzen. Euskal oiloetako bost barieta­tee­taik lau ere ekarriko dituzte. Eta abere asko kumeekin egongo dira. Horregatik, etxeko txikiekin joateko aproposa dela azpimarratu du Iradik. 
Horrez gain, baserriko lanbideen erakusketa ere egongo da. Sega garai batean nola pikatzen zen erakutsiko du Joxe Luis Merkaderrek.

Kantuan girotuko dute eguerdia
Kalez Kale Kantarikoak Euskal Jaiak girotzen ibiliko dira gaur eguerdian. Kantuz, Ozenki eta Goiz Eguzki Abesbatzekin atera­ko dira kantari. Plaza Berrin jarri dute hitzordua 12:00etan, base­rritarrez jan­tzita. Kantatzea gustoko duten herritar guztiei ere dei egiten diete animatzeko.

Herri bazkariaren aurretik, omenaldia egingo dio arraun elkarteak ‘Baldo’ri.

Harrijasotzen, aizkoran, trontzan…herri kiroletan
Herri kirolak ere izango dira eguerdi partean. 12:15etan hasiko dira. Harrijasotzen Estitxu Almandoz ariko da. Eta aizkoran bi bikote mixto neurtuko dira: Itxaso Onsalo, Nerea Sorondo, Xabier Zaldua eta Jon Larrañaga “Larrak” hartuko dute parte. Trontzan ere ariko dira. Eta zirkuitoren bat ere osatuko dute txingekin.

Txerriboda eta Sagardo Festa, Atsegindegin
Arraun elkarteak Txerriboda eta Sagardo Festa antolatu ditu Atsegindegin. Hau da, afariak izango dira afariak izango dira Basatxerriren produktuekin (burualdea, hanburgesa, txo­rixo eta saltxitxak...) eta Gipuz­koako Sagardogileen Elkarteko sagardoarekin. Horrez gain, herri bazkaria ere antolatu du gaur. Eta aurretik, Juan Ra­mon Zabaleta ‘Baldo’ arraun­lari ohiari omenaldia egingo diote. Asteartean hil zen.
Arratsaldean, hainbat apus­tu eta proba antolatu dituzte: ergo­metro pike pare bat… Batis Lar­buru Arraun elkarteko presi­denteak adierazi du helbu­rua dela arrauna herritarren­gana gerturatzea: «Gu urruti geratzen gara herritik, egoitza urruti du­gu. Nahi dugu jendea gertu­ra­tzea eta arraunera animatzea». 

Herriko festetako doinuak, Musika Bandak
Musika Bandak kontzertua eskai­niko du iluntzean. Euskal Herriko herri ezberdinetako fes­tetan oso ezagunak diren kantak joko dituzte. Irungo San Martzia­letan hasi eta Hernaniko San Joanekin bukatuko dute. 16 bat abestiko emanaldia izango da.

Trikitixa txapelketa bihar, Plazan
Gazteen Trikitixa Txapelketa antolatu du Kriskitinak, bihar. Azpeitia, Aizarnazabal, Itziar, Errezil eta Hernaniko trikiti­lariek hartuko dute parte. Hernanitik bost ariko dira: Eider Tolosa, Lierni Tolosa, Elaia Diaz, Alazne Balenciaga eta Araitz Elizalde. Bikote bakoitzak hiru pieza jo beharko ditu: trikitixa, porrusalda eta fandangoa edo arin-arina. Epaimahaiak hona­koa hartuko du kontuan: doi­nua­ren zailtasuna, soinuaren ejekuzioa, panderoaren ejeku­zioa, erritmoa eta kantua.
Irabazleentzat txapelak izango dira eta parte hartzaile guztientzat saria izango da.

Euskal jantziak janzteko deia
Antolatzaileek dei egiten diete herritarrei Euskal Jaietara gerturatzeko eta baita euskal jantziak janzteko ere. Batez ere, gaur. 

EGITARAUA

GAUR
10:00 Abeltzaintza azoka Ezkiaga pasealekuan.
10:00 Baserriko lanbideen erakustaldia Ezkiaga pasealekuan.
11:00 Talo-dastatzea Iturriaga kalean.
11:30 Antzinako jokoak Ezkiaga pasealekuan.
12:00 Txakolin-dastatzea Iturriaga kalean.
12:00 Kalez Kale Kantari. Hasiera: Plaza Berrin.
12:15 Herri kirolak Ezkiaga pasealekuko frontoian.
12:30 Erraldoi eta buruhandiak.
14:00 Herri bazkaria Atsegindegi plazan. Aurretik, omenaldia Juan Ramon Zabaleta ‘Baldo’ arraunlari ohiari.
17:00 Haurrentzat tailerrak Plaza Berrian.
17:00 Haurrentzat jolasak eta txokolate jatea Plaza Berrin.
18:00 Erromeria Jeiki hadi taldearekin Atsegindegi plazan.
19:00 Arraun apostu herrikoiak, Atsegindegin.
19:45 Musika Bandaren emanaldia udaletxeko arkupeetan.
20:00 Arraunlarien apostua, Atsegindegin.
Afariak, Atsegindegin.

BIHAR
Sagarraren eta Sagardoaren eguna Gudarien plazan.
09:00 Diana Txistulari bandarekin.
11:00 Sagardo-dastatzea Gudarien plazan.
11:30 Pelota partiduak Ezkiaga pasealekuan.
12:00 XVIII. Trikitixa Txapelketa Gudarien plazan.