Udaleko eta herriko talde eta elkarteetako ordezkariek atzo aurkeztu zituzten prentsaurrean aurtengo Euskal Jaiak. Iazko egitarauarekin konparatuta, berritasunak izango direla nabarmendu zuen Koro Etxeberria kultura zinegotziak: «Ondo funtzionatzen duten ekintzak mantendu egin ditugu, baina aldaketa batzuk ere izango dira. Eta nabarmentzekoa da Arraun elkarteak antolatu dituen Txerriboda eta Sagardo Festa. Gure ustez, ekarpen interesgarria eta polita izango dena».
Hori horrela, Euskal Jaiak ostiraletik igandera izango dira aurten.
Bihar, txartelak erosteko azken eguna
Txerriboda eta Sagardo Festak Atsegindegin izango du gunea. Bertan, afariak eskainiko dira ostiral eta larunbatean, Basatxerriren produktuekin, sagardoak lagunduta (Gipuzkoako Sagardogileen Elkartekoak).
Horrez gain, herri bazkaria antolatu dute larunbatean eta txartelak salgai daude Oindi, Aralar, Gunea, Kitto eta Oa gozotegian. Bihar da txartelak erosteko azken eguna.
Herri kirolak, 15 minutu lehenago
Herri kirolek ere ez dute hutsik egingo aurten. Hori bai, jakinarazi dute egitarauan jartzen duen ordua baino lehenago hasiko direla. Hau da, 12:30etan beharrean, 12:15etan hasiko dira.
Euskal jantziak janzteko deia
Herritarrei dei egiten diete Euskal Jaietara gerturatzeko eta baita euskal jantziak janzteko: «Larunbatean behintzat».
Musika Bandaren kontzertua
Musika Bandak ere lagunduko du girotzen. Euskal Herriko festetako kantak joko dituzte.
EGITARAUA
OSTIRALA ETA LARUNBATA
20:00etatik aurrera Atsegindegi plazan Txerriboda, Sagardo Festa, afariak, bertsolariak, dokumentalak, ergometro probak...
LARUNBATA
10:00 Abeltzaintza azoka Ezkiaga pasealekuan.
10:00 Baserriko lanbideen erakustaldia Ezkiaga pasealekuan.
11:00 Talo-dastatzea Iturriaga kalean.
11:30 Antzinako jokoak Ezkiaga pasealekuan.
12:00 Txakolin-dastatzea Iturriaga kalean.
12:00 Kalez Kale Kantari. Hasiera: Plaza Berrin.
12:15 Herri kirolak Ezkiaga pasealekuko frontoian.
12:30 Erraldoi eta buruhandiak.
14:00 Herri bazkaria Atsegindegi plazan.
17:00 Haurrentzat tailerrak Plaza Berrian.
17:00 Haurrentzat jolasak eta txokolate jatea Plaza Berrin.
18:00 Erromeria Jeiki hadi taldearekin Atsegindegi plazan.
19:45 Musika Bandaren emanaldia udaletxeko arkupeetan.
IGANDEA
Sagarraren eta Sagardoaren eguna Gudarien plazan.
09:00 Diana Txistulari bandarekin.
11:00 Sagardo-dastatzea Gudarien plazan.
11:30 Pelota partiduak Ezkiaga
pasealekuan.
12:00 XVIII. Trikitixa Txapelketa Gudarien plazan.
*Udalak honako elkarte hauekin lankidetzan antolatutako egitaraua: Kriskitina dantza taldea, Santa Barbara elkartea, Hernaniko
talogileak, San Joan Konpartsa elkartea, Kaxko auzo elkartea, Musika banda, Txistulari banda, Hernaniko Sagardogileak, Pilota Kirol elkartea, Arraun elkartea.
*Biziki gomendatzen da larunbatean, goizean eta arratsaldean, euskal jantziak janztea.