Tailerrak, Zine Foruma eta topaketak, hasteko

Toti Martinez de Lezea idaz­le­arekin elkartuta hasi zuen atzo Harituzek aurtengo ikas­turtea, eta beste hainbat ekintza ere antolatu dituzte.
Hasteko, hainbat tailer antolatu dituzte: internet eta sare sozialena, enpode­ra­men­du tailerra eta belau­nal­di­en arteko tailerra. Izena eman edo informazioa lor­tze­ko deitu 630 678 474 tele­fonora edo Facebooken sartu (www.facebook.com/harituz.astigarraga).
Era berean, Zine Foruma izango da irailaren 29an, urriaren 27an, azaroaren 3 eta 24an eta abenduaren 15ean.

Bufanda haunditzen
Bestalde, Indarkeria sexis­ta­ren aurkako Matazak proiek­tu­arekin jarraitzen dute, eta deia luzatu dute 30zm-ko za­ba­lerako matazak bidal­tzeko hel­bide honetara: Kale Na­gu­sia, Kultur Etxea, 20115, Asti­garraga.
Gainera, hainbat topa­ketetan hartuko dute parte. Besteak beste, Madrilgo 7N deialdian izango dira, eta azaroaren 26tik 29ra, Cordo­ban, elkarteen arteko topa­ke­ta batean. Inguruko elkar­teekin ere izango dira.