Auzolana gaur gaztetxean, sukaldea txukuntzeko

Udan ekintzaz ekintza ibili ondoren, ikasturte berrian ere ez du martxa galdu, Sutu Hernani taldeak. Goizuetan izan ziren aurreko aste­bu­ru­an, kurtsoari hasiera ema­te­ko, hiru eguneko gazte topa­keta antolatuta.
40 lagun inguru el­kartu ziren bertan, eta mota guz­ti­e­tako ekintzak egin zituzten: ezagutza taldeak, taldekako jolasak, mendi buelta, lehia­keta ezberdinak, gaubelak, antzerki eta kan­tuak...
Gaur bertan daukate bes­te zita bat, Kontrakantxa gaz­te­txean. Goizeko 10:00etan elkartuko dira, auzolanean gaztetxeko sukaldea txukun­tzeko, eta material kontaketa egiteko: «anima zaitezte, de­nen artean errazagoa izango da eta!», dei egin dute.