Hilaren 15ean albaiteroa Aranon izanen da, txakurrei txertoa jarri ahal izateko. Arratsaldeko 16:00etatik 17:30etara Plazan izanen da. Gogorarazi dute 4 hilabetetik aurrerako txakurrak identifikatu eta txertatu egin behar direla.
Dokumentazioa bertara eraman behar da
Albaiteroarekin elkartzeko ez da zitarik hartu beharko. Bertara azaltzea nahikoa da. Hala ere, dokumentazioa eramatea beharrezkoa izanen da.
Batetik, txakurraren titularraren NANa eraman behar da. Bestalde, txakurraren kartilla; bertan zehazten da txakurrak aurretik hartutako txertoak zein diren.
Txertoa jarri, identifikatu edo jabez aldatu
Txertoa jartzeaz gain, txakurrak identifikatzeko aukera ere izanen da. Era berean, jabe aldaketak ere egin ahal izanen dira. Txertoak 20 euro balio ditu; txertoa jarri eta identifikatzeak, 40 euro; eta jabe aldaketa egiteagatik 10 euro ordaindu beharko dira.