Bi partidu jokatuko dituzte pilotari goizuetarrek gaurkoan. Alde batetik, Nafarroako Txapelketako partidua jokatuko dute. Kadete mailakoa izanen da. Aitor Aizkorbe ariko da Zizur Nagusiko Satrustegiren kontra. Goizeko 09:30etatik aurrera izanen da, Iruñeako Labrit pilotalekuan.
Bestetik, Gartzarongo Txapelketa izanen du jokoan Iker Salaberriak. Gaskue Larraintzarrarekin ariko da, Uriz eta Elizalderen aurka. Uharte eta Iruñakoak dira aurkariak. Arratsaldeko 16:00etan hasiko da hauen arteko neurketa.
Bi garaipen, aurreko astean
Pilotari goizuetarrak indarrean dabiltza. Lehengo astean, bi partidu jokatu zituzten eta biak goizuetarren aldekoak izan ziren. Nafar Txapelketan eskuz banaka, jubeniletan, Salaberriak 18-3 irabazi zion Arbizuko Galartzari.
Gartzarongo Txapelketan, berriz, kadete mailan bikoteka, Aizkorbe eta Apezetxea 18-13 nagusitu zitzaizkien Cuevas eta Azkoitiari.